Dicon?

Único cos cu den bida ta sigur, ta cu nos tur lo fayece. Cu nos seguro di entiero bo ta sigura bo mes pa e gastonan di e entiero. Esey ta hasi cu seguro di entiero ta un tipo di seguro special. Ta asina cu un elemento importante di seguro ta cu loke ta sigura mester ta insigur.

Compara esaki cu un seguro di candela pa bo cas. No ta sigur cu bo cas realmente lo pega candela riba un dia. Cu nos seguro di entiero e unico cos cu ta insigur ta e momentu di fayese. Como echo un seguro di entiero ta e unico seguro cu semper ta paga.

Un seguro di entiero den natura no ta paga na efectivo ora di fayecimento, pero ta percura pa paga tur gasto di entiero.

Pregunta? Tuma contacto cu nos

Kiko ta hasi ku Onderlingehulp ta e escoho corecto

Prima fiho

No tin indexacion of subida di prima. E prima ta keda manera a stipula na cuminsamento, pues e mesun montante, pa henter e periodo di prima.

Pa henter famia

Mucha ta sigura gratis cu su mayor te dia e mucha hasi 18 aña. Den caso cu e mucha fayese Onderlingehulp ta paga e gasto di entiero te un montante di 4 mil florin (Nafl./Afl.) of 2 mil dollar (usd) sin ku mester paga prima. E unico condicion ta cu e yui(nan) mester wordu registra.

Cobertura mundial

Na momento cu e asegurado fayece mientras cu e ta den exterior, ta cubri gasto di transporte pa cas te un maximo di 2 mil florin (Nafl./Afl.) of mil dollar (usd). Pa e cobertura extra aki tampoco ta cobra prima adicional.

Den caso cu e entiero ta tuma luga den exterior, por usa e capital di e seguro di entiero di Onderlingehulp pa esey tambe. Onderlingehulp por paga e gastonan di entiero rond mundo.

Escoho liber

Nos polisanan ta duna bo e libertad pa scohe entre un entiero of un cremacion. Ademas bo por scohe libremente entre e agencianan funerario cu tin.

Polisa a prueba

Si pa cualkier motibo bo no ta completamente contentu cu e polisa cu a traha pa bo, bo tin te 30 dia despues di a ricibie pa royeer esaki i/of manda e bek. Sin gasto i sin splicacion.

Segura completamente den e prome aña

Den caso cu bo fayese den e prome aña di ta sigura door di un accidente, ta paga henter e capital.

Semper ta posibel pa upgrade

Bo ta haña ku e capital sigura no ta suficiente? Door di upgrade e polisa, bo por hisa bo capital sigura. Di e manera ey bo entiero lo ta sigun bo deseonan.

For di 1995 ora mi a bai biba Bonaire, mi a disidi di sera un seguro di entiero dor cu mi no tabata tin famia pa take care di mi entiero na Bonaire. Mi a drenta den seguro di Onderlingehulp Bonaire. Despues mi a bin biba bek Aruba I mi a trese mi seguro tambe na Onderlingehulp Aruba. Onderlingehulp ta un kompania di seguro serio I responsabel.

A. Thiel

Mi ta hopi contento cu servicio di Onderlingehulp Aruba. Semper amabel y super rapido ora di brinda servico. Esaki tabata un bon decicion y mi por ta trankil cu e plan di seguro aki.

N. Winklaar

Mi ta hopi agradesido pa e servisio cu boso a dunami I e benifisionan. Masha danki.

M. Calderon

Esaki tu un tipo di servicio cu bo tin cu paga i cu bo ta spera nunca lo mester wordo uza. Ami ta un techno-lover y mi ta haya fabuloso cu mi por hasi mi pago tur luna via online banking cu un simple transfer y manda e proof of payment by e-mail pa Onderlingehulp. Mi ta mande pa boso y na e ultimo siman di e mesun luna of e prome siman di siguiente luna mi ta haña mi overzicht. Esaki sin necesidad di bay para den rij y perde tempo. Tempo mi por uza den otro cosnan.

M. D. Tromp

Nos por yuda bo tambe personalmente

Yama nos

+599 9 4617144

Imeil

info@onderlingehulp.com

Pasa

Aruba
Bonaire
Curaçao

Serca bon a cas

Nos ta pasa gustosamente serca bo