Regla bo futuro!

Pa ta sigurá serka nos, bo mester tin un adrès di imeil (koreo elektróniko). Pa di e manera ei bo por wak e estado di bo seguro via bo propio kuenta di Onderlingehulp.

Bo tabata sa ku bo por tuma kontakto ku Onderlingehulp di diferente manera? Por yama (Aruba 582 4427, Bonaire 717 05291, Curacao 461 7144), Whatsapp (Aruba 5924177, Bonaire 782 7404, Curacao 510 7144), imeil, Facebook/Messenger, Youtube anto Instagram!

Bo mester a kambia bo sédula, pasport òf rèibewèis? Manda nos un kopia di e dokumento nobo pa nos por pon’é den nos atministrashon. Di e manera akí nos atministrashon ta na òrdu. Por manda nos e kopia via Whatsapp òf imeil.

Lástimamente nos no sa ki dia nos dia ta yega. Pues ta masha importante pa sera un seguro di entiero na tempu. Di e manera ei bo ta kita e karga akí di bo sernan kerí ku ta keda atras. Mas jong bo ta, mas abou e prima pa luna ta!

No ta problema si pa sirkunstansha (di trabou) bo no por pasa serka nos na ofisina. Tampoko no ta problema si bo mes no por sera e seguro online riba nos wèpsait. Ku plaser un di nos agentenan ta traha un sita ku bo, pa e pasa duna tur informashon, anto si ta deseá por sera e seguro mésora.

Bo ta sigurá serka nos i bo a kaba di haña un yu? Masha pabien! Ta posibel pa sigurá bo yu grátis bou di bo mes seguro te dia bo yu hasi 18 aña. Tambe ta posibel pa sera un pólisa pa bo yu pagando primna. Pa e pólisa pa bo yu akí, bo ta paga un prima mas abou pa luna!

Riba nos wèpsait MijnOnderlingehulp semper bo tin bista riba tur bo pólisanan/saldo habrí.

Bo ta duda si bo mester sera un seguro di entiero? Denter di 30 dia bo por para e pólisa di seguro. Sin niun klase di gastu.

Bo ke sa si e kapital di bo pólisa aktual lo kubri e gastunan di bo entiero? Tuma kontakto ku nos!

Si bo muda bai un otro adrès òf un otro pais, òf kisas bo a kambia bo number di telefòn, porfabor informá nos mas pronto ku ta posibel. Di e manera ei nos por drenta den kontakto ku otro na momentu ku esaki ta nesesario.