Menu

Dikon?

Úniko kos ku den bida ta sigur, ta ku nos tur lo fayesé. Ku nos seguro di entiero bo ta sigurá bo mes pa e gastunan di e entiero. Esei ta hasi ku seguro di entiero ta un tipo di seguro spesial. Ta asina ku un elemento importante di seguro ta ku loke ta sigurá mester ta insigur. 

Kompará esaki ku un seguro di kandela pa bo kas. No ta sigur ku bo kas realmente lo pega kandela riba un dia. Ku nos seguro di entiero e úniko kos ku ta insigur ta e momentu di fayesé. Komo echo un seguro di entiero ta e úniko seguro ku semper ta paga. 

Un seguro di entiero en natura no ta paga na efektivo ora di fayesimentu, pero ta pèrkurá pa paga tur gastu di entiero.

Pregunta? Tuma kontakto ku nos

Kiko ta hasi ku Onderlingehulp ta e eskoho korekto

1

Prima fiho

No tin indeksashon òf subida di prima. E prima ta keda manera a stipul’é na kuminsamentu, pues e mésun montante, pa hinter e periodo di prima.

2

Pa hinter famia

Mucha ta sigurá grátis ku su mayor te dia e mucha hasi 18 aña. Den kaso ku e mucha fayesé Onderlingehulp ta paga e gastu di entiero te un montante di 4 mil florin (Nafl./Afl.) of 2 mil dollar (usd) sin ku mester paga prima. E úniko kondishon ta ku e yu(nan) mester wòrdu registrá.

3

Kobertura mundial

Na momentu ku e asegurado fayesé mientras ku e ta den eksterior, ta kubri gastu di transporte pa kas te un máksimo di 2 mil florin (Nafl./Afl.) of mil dollar (usd). Pa e kobertura èkstra akí tampoko ta kobra prima adishonal.

Den kaso ku e entiero ta tuma lugá den eksterior, por usa e kapital di e seguro di entiero di Onderlingehulp pa esei tambe. Onderlingehulp por paga e gastunan di entiero rònt mundu.

4

Eskoho liber

Nos pólisanan ta duna bo e libertat pa skohe entre un entiero òf un kremashon. Ademas bo por skohe libremente entre e agensianan funerario ku tin.

5

Pólisa na prueba

Si pa kualke motibu bo no ta kompletamente kontentu ku e pólisa ku a traha pa bo, bo tin te 30 dia despues di a risibié pa royer esaki i/òf mand’é bèk. Sin gastu i sin splikashon.

6

Sigurá kompletamente den e promé aña

Den kaso ku bo fayesé den e promé aña di ta sigurá dor di un aksidente, ta paga hinter e kapital.

7

Semper ta posibel pa upgrade

Bo ta haña ku e kapital sigurá no ta sufisiente? Dor di upgrade e pólisa, bo por hisa bo kapital sigurá. Di e manera ei bo entiero lo ta sigun bo deseonan.

Onderlingehulp ta duna servisio kompleto den silensio. Hopi bon. Mi ta kontentu ku mi ta sigurá na Onderlingehulp. Ami ni mi famia no tin niun preokupashon ku esei.

Sra. V. Olbina

Onderlingehulp tin hopi eksperiensia i sa kon e proseso tin ku kana. Mi a haña un bon trato. Sublime.

Sra. R.B. Martijn

Hopi bon servisio i trato mi a risibí na Onderlingehulp ora mi a bin tuma informashon dia mi kasá a fayesé.

Sra. M.A. Johnson

Mi a haña bon yudansa na e momento ku mi ruman muher a fayesé. Asina importante un seguro di entiero ta.

Sra. Eustatius

Mi a haña e trato na Onderlingehulp sublime i ku hopi amor na momento ku mi mester a bin notifiká ku mi mama a fayesé. Un seguro di entiero no ta karu i ta yuda hopi bon.

Sra. M.Tromp-Manuel

Nos por yudabo tambe personalmente:

Yama nos

+599 9 4617144

Pasa

  • Aruba
  • Bonaire
  • Curaçao

Serka bo na kas?

Nos ta pasa ku gustosamente serka bo