Menu

Kon e ta traha?

Loke Onderlingehulp ta i ta hasi

Na momentu ku un persona fayesé, mester regla i paga un gran kantidat di kos. Ta trata di por ehèmpel un lugá kaminda por despedí, un bunita kaha i un aviso den kòrant. Tur esakinan huntu ta kosta mínimo 8 mil florin (Nafl./Afl.) òf 5 mil dòlar na Boneiru.

Esei ta hopi sèn pa paga di biá. Nos di Onderlingehulp ta sòru pa e sèn ta pará kla pa ora un persona fayesé i mester regla i paga tur kos rondó di e entiero

Kon esei ta funshoná esaktamente?

Bo mes ta skohe kon e entiero mester ta i kiko e ta kosta. Lógikamente nos ta yuda bo ku esei. Por ehèmpel ku e ‘kalkuladó’ akí. Us’é trankilamente. Ora konta bo deseonan pa ku bo entiero huntu, ta sali un montante/kapital. Pa e montante ei, bo ta sera un seguro. Despues bo ta paga prima kada luna. Onderlingehulp ta warda bo sèn bon, anto e ta sòru pa tin sufisiente sèn pa paga e entiero ora ta asina leu.

Nos tei pa esnan ku ta keda atras.

Pero lógikamente no ta trata únikamente tokante sèn: na momentu ku un persona bai sosegá Onderlingehulp tei pa apoyá i yuda esnan ku ta keda atras.

Mésora despues ku a mèldu morto di e ser kerí, e parientenan ta risibí un karta di garantia pa por regla tur kos rondó di e entiero ku e agensia funerario ku a skohe.

Onderlingehulp despues ta regla pago di e kuentanan direktamente ku e agensia funerario. Ta kita e preokupashon di e parientenan di e defuntu te na e montante máksimo pa kua e defuntu tabata sigurá.

Situashon inesperá? Esaki tambe ta kubrí!

Tambe si ainda no a paga tur kos i algu inesperá sosodé promé ku tempu, Onderlingehulp ta paga tur gastu tòg. For di momentu di sera e seguro, bo no mester wòri tokante esaki mas.

Bo ke sa mas?

Nos a traha un ‘kalkuladó’ simpel pa stipulá kiko un entiero ta kosta. Yen’é libremente, lo bo keda kla lihé.

Despues di a yena e kalkuladó, bo ta yena bo edat i e periodo – plaso – deseá. Pues den kuantu tempu bo ke paga prima pa por yega na e kapital total. Denter di algun sekònde (anto sin ningun obligashon) bo ta haña sa kon haltu bo prima pa luna por ta.

Pero ta posibel semper pa yama nos, pasa serka nos òf manda nos un mensahe. Gustosamente nos ta yuda bo. Riba e página akí bo ta mira kon ta drenta den kontakto ku nos.

 

Onderlingehulp ta duna servisio kompleto den silensio. Hopi bon. Mi ta kontentu ku mi ta sigurá na Onderlingehulp. Ami ni mi famia no tin niun preokupashon ku esei.

Sra. V. Olbina

Hopi bon servisio i trato mi a risibí na Onderlingehulp ora mi a bin tuma informashon dia mi kasá a fayesé.

Sra. M.A. Johnson

Mi a haña e trato na Onderlingehulp sublime i ku hopi amor na momento ku mi mester a bin notifiká ku mi mama a fayesé. Un seguro di entiero no ta karu i ta yuda hopi bon.

Sra. M.Tromp-Manuel

Onderlingehulp tin hopi eksperiensia i sa kon e proseso tin ku kana. Mi a haña un bon trato. Sublime.

Sra. R.B. Martijn

Mi a haña bon yudansa na e momento ku mi ruman muher a fayesé. Asina importante un seguro di entiero ta.

Sra. Eustatius

Nos por yudabo tambe personalmente:

Yama nos

+599 9 4617144

Pasa

  • Aruba
  • Bonaire
  • Curaçao

Serka bo na kas?

Nos ta pasa ku gustosamente serka bo