Tokante nos
Onderlingehulp ta e spesialista riba tereno di seguro di entiero na nos islanan. Mas ku 31 mil persona a skohe pa un seguro di entiero di Onderlingehulp. Pasó nan sa ku nos ta traha segun e lema: bo último deseo ta nos promé preokupashon. For di 1986 Onderlingehulp ta aktivo ku ofisina na Kòrsou, Aruba i Boneiru.
Na momentu ku bo ke sera un seguro di entiero, nos ta hasi un análisis di bo situashon personal. Hopi biaha ta sufisiente pa kontestá algun pregunta. Seguidamente abo ta disidí kua di nos seguronan di entiero ta pas mihó ku bo deseonan i situashon personal.
Respèt pa sintimentu di esnan ku ta keda atras i deseonan di e persona ku fayesé, ta kriterionan ku nos konosé bon. Den kaso di fayesementu ún yamada na nos so ta sufisiente pa Ondelingehulp alivia bo sernan keri. Den esaki Onderlingehulp ta traha huntu ku tur agensia funerario.
Kiko ta hasi ku Onderlingehulp ta e eskoho korekto?
1
E aseguradó di entiero di mas grandi
Nos ta e aseguradó di entiero di mas grandi na Aruba, Boneiru i Kòrsou. Tin 31 mil hende ku a bira miembro di e famia grandi di Onderlingehulp promé ku bo. No a bira tempu pa bo tambe bira kliente i di e manera ei kita e dolornan di kabes finansiero fo’i lomba di bo sernan kerí ku ta keda atras?
2
Progresivo den servisio
Pa nos abo ta pará sentral. Ta kuidadoso den nos relashon ku bo ta un eksihensia pa nos empleadonan i ta garantisá den nos trabou. Nos ta progresivo den uso di e desaroyonan teknológiko ku nos ta usa pa ofresé nos produktonan i servisionan di manera transparente i profeshonal. Nos ta e úniko aseguradó di entiero serka kua online – pa medio di “Mi onderlingehulp” – bo por kontrolá bo datonan òf sera un pólisa nobo.
3
Nos ta finansieramente hopi sólido
Nos ta finansieramente sólido. Esei ke men ku nos ta kumpli ku tur regulashon i banda di esei nos tin reserva èkstra. Esei ta nos honor i nos orguyo. Komo institushon finansiero nos ta wòrdu kontrolá pa e siguiente entidatnan; Banko Sentral di Kòrsou i Sint-Maarten (CBCS), de Nederlandse Bank (DNB) i Autoriteit Financiële Markten (AFM). Bo tabata sa ku komo úniko aseguradó di entiero, nos tin e lisensia nesesario di DNB pa ta aktivo na Hulanda Karibense?
4
Prima abou fiho
Ta determiná e prima na momentu ku sera e seguro. Kon haltu e prima ta, ta dependé di bo edat, kon haltu e kapital sigurá ku bo a skohe ta i kon largu bo a skohe pa paga prima. Despues di esaki no ta adaptá e prima mas. Pues delantá bo sa kon haltu bo prima ta pa e periodo di pago di e prima. Esei ta un bon sintimentu i ta duna siguridat. No tin sorpresa desagradabel.
5
Te nan 18 aña mucha ta sigurá grátis ku nan mayornan
Mucha di mayor ku ta sigurá na Onderlingehulp ta sigurá grátis. Komo mayor únikamente bo mester registrá bo yu(nan). Despues ku e registrashon a wòrdu aseptá, nan tambe ta sigurá. Sin ku bo mester paga nada èkstra pa esei!
6
Kobertura èkstra gratuito durante estadia temporal den eksterior
Nunka bo n’ sa… Den kaso ku bo lo fayesé den eksterior durante bo fakansi, Onderlingehulp ta kubri e gastunan adishonal di repatriashon te ku un montante maximo. Esaki ta un kobertura èkstra banda di e kapital sigurá.
7
Liber den eskoho di agensia funerario
Bo seguro di entiero na Onderlingehulp ta ofresé bo libertat di eskoho total. Niun otro ta duna bo e libertat akí. Ni abo ni bo sernan kerí ku keda atras, no ta mará na ún agensia funerario. Por skohe kualke un di nan. Ta bo eskoho. Tambe si despues bo ta biba na otro pais i ke wòrdu derá aya. Pa nos esei no ta problema!
8
Bo a kambia di idea? Denter di 30 dia por terminá gratuitamente
Bo a sera un seguro serka Onderlingehulp, pero pa un òf otro motibu bo no ke keda ku e seguro? Por terminá e seguro gratuitamente denter di 30 dia i sin ku mester duna motibu. Nos lo haña esei un lástima pero nos ta respetá bo deseo. Nos ta haña ku bo mester por rekonsiderá un desishon si esei ta parse di tòg no tabata esun korekto.
9
Por upgrade semper
Bo tin un seguro di Onderlingehulp kaba òf entretantu esaki a bira liber di prima. Bo ke hisa e kapital sigurá pasó bo tin mas alkanse finansiero òf pasó bo ta ripará ku bo lo tin mester di mas pa e entiero ku abo ta deseá. Esei ta posibel! Bo ta sera un upgade ku ta hisa e kapital total sigurá na e nivel ku abo ta deseá.
Aruba
De La Sallestraat 84Oranjestad, Aruba Orario ku ta habri:
Djaluna te ku Djabierne: 8.00-15.45 (non-stop)
- T: +297 582 4427
- M: +297 592 4177
- E: info@onderlingehulp.com
-
Servisio via Whatsapp
+2975924177
Bonaire
Plasa Reina Juliana 1Kralendijk, Bonaire Orario ku ta habri:
Djaluna te ku Djabierne: 8.00-15.45 (non-stop)
- T: +599 717 5291
- M: +599 782 7404
- E: info@onderlingehulp.com
-
Servisio via Whatsapp
+5997827404
Curaçao
Kaya Junior Salas 2-4Willemstad, Curaçao Orario ku ta habri:
Djaluna te ku Djabierne: 8.00-15.45 (non-stop)
- T: +599 9 4617144
- M: +599 9 510 7144
- E: info@onderlingehulp.com
-
Servisio via Whatsapp
+59995107144
Nos por yudabo tambe personalmente:
Imeil
info@onderlingehulp.com
Pasa
- Aruba
- Bonaire
- Curaçao
Serka bo na kas?
Nos ta pasa ku gustosamente serka bo
