Menu

FAQ

Nos preguntanan mas frecuente

Aki bou por haña contesta riba pregunta cu sa wordo hasi mas biaha. E pregunta cu abo tin no ta aki? Tuma contacto ku nos libremente pa medio di un di e opcionan menciona riba e pagina di contacto.

  • Kiko un entiero ta costa awendia?

    Un entiero of cremashon promedio ta costa entre 8 pa 10 mil florin (Nafl./Afl.) of na Bonaire 5 mil dollar (usd). Si tin deseo personal extra e montante akí por subi lihé. Ademas tin gasto pa un monumento pa e graf I mantencion di e graf. Tur esakinan huntu por costa miles di florin. Pero banda di esei bo tin di haber cu compra di e caha, entiero, aviso, flor etc. Den caso di cremacion mester tene cuenta ku gastu di e cremashon I e gastunan aki riba menciona manera flor etc. En general e gastonan di cremashon ta mas abou ku pa un entiero. Pa yuda bo dicidí e montante nesesario pa bo seguro di entiero, nos a desaroya un calculado.

  • Mi por sera un seguro di entiero si mi kier wordu dera den exterior?

    Si. Ta posibel pa sera un seguro di entiero pa den exterior. Por usa esaki te e montante sigura libremente pa e gastunan di entiero. Por pensa riba gastonan di transporte di e difunto. E montante cu mester sigura, ta depende hopi di e pais na cua bo kier wordu dera. Tuma contacto cu Onderlingehulp pa haña sa mas tokante esaki.

  • Na e momentu akí mi casa ta na estado. Nos yui tambe ta sigura, maske e no a nance ainda?

    Sigur cu si. Den caso ku un yui nace sin bida of e bebi muri denter di 30 dia despues cu el a nance, ta cubri gasto di entiero te un maximo di mil florin (Nafl./Afl.) of 500 dollar (usd). Un di e dos mayornan mester ta sigura i ta pagando prima na Onderlingehulp sí.

  • Mi por sigurá mi yui(nan) tambe?

    Si. Te cu edad di 18 aña bo yu(nan) ta sigura te un montante maximo di 4 mil florin (Nafl./Afl.) of 2 mil dollar (usd).

  • Poco tempu pasá mi a cumpra un cas i mi a sera un hipoteca. Na e momentu ei tambe mi a sera un seguro di riesgo. Ta nesesario pa sera un seguro di entiero tambe?

    Sigur! E seguro di riesgo cu bo a sera ta conta unicamente pa e hipoteca. Anto e ta zorg pa paga e hipoteca den caso cu bo fayese. Ademas e seguro akí tin un sierto periodo di balides, esaki kiemen cu bo no tin un pago garantisa. Den caso cu bo fayese despues di e periodo di balides, no tin pago. Pues si bo kier ta sigur cu ta paga e gastonan di entiero i bo no kier worry tocante reglamento di e entiero, ta miho pa sera un seguro di entiero apart.

  • Na momentu cu mi a sera mi seguro, mi tabata sa sigur cu mi lo ke wordu dera. Pero entretanto mi ta prefera un cremashon. Mester adapta e polisa awor

    Esey no ta nesesario. Onderlingehulp no ta distinguí entre deramentu of cremashon. Como asegurado bo mes ta dicidí kiko bo ta prefera. Tene cuenta ku e echo ku gastunan di deramentu por lo general ta mas haltu ku cremashon.

  • Mi casa i ami ta bai separa. Kiko mester hasi ku nos seguro awor?

    Na Onderlingehulp tin un pólisa pa cada persona indivudual. Den mayoria di caso nos por pone bo datonan nobo riba e polisa akí. Den e caso ei ta parti e seguro. Mescos ku e pago di prima. Tuma contakto cu Onderlingehulp pa papia tocante e posibilidatnan.

  • Denter di poco tempo mi ta bai afo i kisas mi ta keda biba aya. Mi por bai ku mi seguro?

    Si, esei ta posibel. Mester tene cuenta ku algun punto sí. Esnan ku keda atras mester regla e entiero den estranheria. Despues mester informá Onderlingehulp. Banda di esey mester keda paga e prima localmente.

  • Mi dunado di trabou ta paga e gastunan di mi entiero. Tin sentido pa ami sera un seguro di entiero e ora ei?

    Sigur cu si! Den mayoria di caso bo dunado di trabou ta paga e entiero unicamente na momentu cu bo fayese durante e periodo cu bo ta traha p’e. Den caso cu bo fayese despues, nan no ta paga nada. Ta posibel pa warda te na momento cu bo no ta traha aya mas pa sera un seguro di entiero. Pero esei no ta sabí. Mas halto bo edad, mas halto e prima ta. Tambe bo salud ta hunga un rol. Pues si bo kier ta sigura pa bo gastunan di entiero pa bida largo, anto paga un prima mas abou posibel, ta miho pa bo mes sera un seguro di entiero awor.