Menu

Tocante nos

Nos ta Onderlingehulp

Onderlingehulp ta e spesialista riba tereno di seguro di entiero na nos islanan. Mas ku 31 mil persona a skohe pa un seguro di entiero di Onderlingehulp. Paso nan sa ku nos ta traha segun e lema: bo ultimo deseo ta nos prome preocupacion. For di 1986 Onderlingehulp ta activo cu oficina na Còrsou, Aruba i Boneiro.

Na momentu cu bo kier sera un seguro di entiero, nos ta hasi un analisis di bo situacion personal. Hopi biaha ta suficiente pa contesta algun pregunta. Seguidamente abo ta disidí cua di nos seguronan di entiero ta pas miho ku bo deseonan i situashon personal.
Respet pa sintimento di esnan cu ta keda atras i deseonan di e persona ku fayese, ta criterionan cu nos conose bon. Den caso di fayesemento un yamada na nos so ta sufisiente pa Ondelingehulp alivia bo sernan keri. Den esaki Onderlingehulp ta traha huntu ku tur agensia funerario.

Kiko ta hasi cu Onderlingehulp ta e escoho corecto?

1

E asegurado di entiero di mas grandi

Nos ta e asegurado di entiero di mas grandi na Aruba, Boneiru i Corsou. Tin 31 mil hende ku a bira miembro di e famia grandi di Onderlingehulp prome cu bo. No a bira tempo pa bo tambe bira cliente i di e manera ei kita e dolornan di cabes financiero fo’i lomba di bo sernan kerí cu ta keda atras?

2

Progresivo den servicio

Pa nos abo ta para central. Ta cuidadoso den nos relacion cu bo ta un exihensia pa nos empleadonan i ta garantisa den nos trabou. Nos ta progresivo den uso di e desaroyonan tecnologiko cu nos ta usa pa ofrese nos productonan i servisionan di manera transparente i profesional. Nos ta e unico asegurado di entiero serca cu online – pa medio di “Mi onderlingehulp” – bo por controla bo datonan of sera un polisa nobo.

3

Nos ta financieramente hopi solido

Nos ta financieramente solido. Esey kiermen cu nos ta cumpli cu tur regulacion i banda di esey nos tin reserva extra. Esey ta nos honor i nos orguyo. Como institucion financiero nos ta wordo controla pa e siguiente entidadnan; Banco Central di Còrsou i Sint-Maarten (CBCS), de Nederlandse Bank (DNB) i Autoriteit Financiële Markten (AFM). Bo tabata sa cu como unico asegurado di entiero, nos tin e licencia nesesario di DNB pa ta activo na Hulanda Caribense?

4

Prima abou fiho

Ta determina e prima na momentu cu sera e seguro. Con halto e prima ta, ta depende di bo edad, con halto e capital sigura cu bo a skohe ta i con largo bo a scohe pa paga prima. Despues di esaki no ta adapta e prima mas. Pues delanta bo sa con halto bo prima ta pa e periodo di pago di e prima. Esey ta un bon sintimentu i ta duna seguridad. No tin sorpresa desagradabel.

5

Te nan 18 aña mucha ta sigura gratis cu nan mayornan

Mucha di mayor cu ta sigura na Onderlingehulp ta sigura gratis. Como mayor unicamente bo mester registra bo yui(nan). Despues cu e registracion a wordo asepta, nan tambe ta sigura. Sin cu bo mester paga nada extra pa esey!

6

Cobertura extra gratuito durante estadia temporal den exterior

Nunca bo n’ sa… Den caso cu bo lo fayese den exterior durante bo vakantie, Onderlingehulp ta cubri e gastonan adicional di repatriacion te ku un montante maximo. Esaki ta un cobertura extra banda di e capital sigura.

7

Liber den escoho di agencia funerario

Bo seguro di entiero na Onderlingehulp ta ofrece bo libertad di escoho total. Niun otro ta duna bo e libertat akí. Ni abo ni bo sernan kerí ku keda atras, no ta mara na un agencia funerario. Por scohe cualkier un di nan. Ta bo escoho. Tambe si despues bo ta biba na otro pais i ke wordu dera aya. Pa nos esey no ta problema!

8

Bo a cambia di idea? Denter di 30 dia por terminá gratuitamente

Bo a sera un seguro serca Onderlingehulp, pero pa un of otro motibo bo no ke keda cu e seguro? Por termina e seguro gratuitamente denter di 30 dia i sin cu mester duna motibo. Nos lo haña esei un lastima pero nos ta respeta bo deseo. Nos ta haña cu bo mester por reconsidera un desicion si esei ta parse di tog no tabata esun corecto.

9

Por upgrade semper

Bo tin un seguro di Onderlingehulp caba of entretantu esaki a bira liber di prima. Bo kier hisa e capital sigura paso bo tin mas alcanse finansiero of paso bo ta ripara cu bo lo tin mester di mas pa e entiero ku abo ta desea. Esei ta posibel! Bo ta sera un upgade ku ta hisa e capital total sigur na e nivel cu abo ta desea.

Aruba

De La Sallestraat 84
Oranjestad, Aruba
Orario cu ta habri:

Djaluna te ku Djabierne: 8.00-15.45 (non-stop)

Bonaire

Plasa Reina Juliana 1
Kralendijk, Bonaire
Orario cu ta habri:

Djaluna te ku Djabierne: 8.00-15.45 (non-stop)

Curaçao

Kaya Junior Salas 2-4
Willemstad, Curaçao
Orario cu ta habri:

Djaluna te ku Djabierne: 8.00-15.45 (non-stop)

Mi ta hopi agradesido pa e servisio cu boso a dunami I e benifisionan. Masha danki. 

M. Calderon

Esaki tu un tipo di servicio cu bo tin cu paga i cu bo ta spera nunca lo mester wordo uza. Ami ta un techno-lover y mi ta haya fabuloso cu mi por hasi mi pago tur luna via online banking cu un simple transfer y manda e proof of payment by e-mail pa Onderlingehulp. Mi ta mande pa boso y na e ultimo siman di e mesun luna of e prome siman di siguiente luna mi ta haña mi overzicht. Esaki sin necesidad di bay para den rij y perde tempo. Tempo mi por uza den otro cosnan.

M. D. Tromp

Mi ta hopi contento cu servicio di Onderlingehulp Aruba. Semper amabel y super rapido ora di brinda servico. Esaki tabata un bon decicion y mi por ta trankil cu e plan di seguro aki.

N. Winklaar

For di 1995 ora mi a bai biba Bonaire, mi a disidi di sera un seguro di entiero dor cu mi no tabata tin famia pa take care di mi entiero na Bonaire. Mi a drenta den seguro di Onderlingehulp Bonaire. Despues mi a bin biba bek Aruba I mi a trese mi seguro tambe na Onderlingehulp Aruba. Onderlingehulp ta un kompania di seguro serio I responsabel.

A. Thiel

Nos por yuda bo tambe personalmente

Yama nos

+599 9 4617144

Pasa

  • Aruba
  • Bonaire
  • Curaçao

Serca bon a cas

Nos ta pasa gustosamente serca bo